Giza
eskubideak, konponbidea, bakea.
Datorren
martxoaren 20an, Estrasburgon, Europako Giza Eskubideen Auzitegiko
Areto Nagusiak Ines de Rio euskal herritarraren auzia berraztertuko
du.
Espetxean 25 urte
egin dituen preso politiko honek 2008an bete zuen bere zigorra,
baina, aske gelditu baino lehenxeago, zigorra beste bederatzi urtez
luzatu zioten. Auzia Estrasburgoko auzitegira iritsi, eta 2012ko
uztailaren 12an honek dekretatu zuen presoak aske behar zuela,
espetxealdia luzatzeko oinarritzat hartutako 197/2006 doktrinak
Europako Giza Eskubideen Konbentzioa urratzen duelakoan.
Espainiar Estatuak
ez du erabakia bete, ordea, eta Ines del Riok preso jarraitzen du,
arrazoi beragatik aske utzi beharko lituzketen beste 72 euskal preso
politiko bezalaxe. Haien arteko batzuek 20, 25 eta 30 urte ere eman
dituzte espetxean, badira adinean aurrera doazenak eta eritasun
larriak dituztenak.
Espainiar Estatuak
euskal preso politikoen eskubideen kontrako urratze larriak egiten
ditu, milaka pertsonaren sufrimendua elikatzeko eta Euskal Herrian
abian den konponbiderako prozesua oztopatzeko helburuekin. Presoen
espetxe zigorrak bidegabeki luzatzeaz gain, familiengandik ehunka,
milaka kilometrora urruntzen dituzte, eta inkomunikazio eta bakartze
erregimen bereziak ezartzen dizkiete.
Euskal gizartean
orokorra da adostasuna salbuespen neurri horiek gainditu beharraz,
eta halaxe ikusi zen Bilbon, joan den urtarrilaren 12ko manifestazio
historiko eta jendetsuan. Horrenbestez, hauxe da europar erakundeei
helarazi nahi diegun herritarren agindua: giza eskubideak,
konponbidea, bakea.
197/2006 doktrina
derogatzea ezinbestekoa da euskal preso politikoek bizi duten
muturreko egoera amaitzeko. Zinez uste dugu Europak mezu hau entzun
behar duela: euskal gizartearen gehiengoak bat egiten du
Estrasburgoko Auzitegiak uztailean emandako epaiarekin, eta babestu
egiten du, konponbiderako prozesuari begira aktibo bat dela iritzita.
Horrexegatik
diogu: bai, Ines del Rioren eta beste euskal preso politikoen
askatasunari. Haien giza eskubideen errespetuaren alde eta Euskal
Herrian konponbiderako prozesu baten alde. Gure herriak ez ezik,
Europa osoak ere hala behar duelako.
Garaia da. Euskal
Herrian bakerako aukerak behar dira.
No hay comentarios:
Publicar un comentario